Mərkəzimizdə Magistratura hazırlığı Dövlət İmtahan Mərkəzinin (DİM) proqramı əsasında aparılır.

·        Tədris 3 fənn üzrə keçirilir:

o   Məntiq

o   İnformatika

o   Xarici dil (Rus və İngilis)

·        Dərslər fərdi və əsasən 4-6 nəfərlik qruplarla tədris olunur;

·        Tədris oktyabr ayı başlayır və qəbul imtahanına qədər davam edir;

·        Mütəmadi olaraq həftəlik və aylıq sınaq imtahanları keçirilir;

·        İmtahanlarda zəif nəticə göstərən tələbələr əlavə dərslərə cəlb olunur.

Dövlət Qulluğu

       Mərkəzimizdə Dövlət Qulluğunun bütün təsnifat mərhələləri mükəmməl şəkildə tədris olunur. Dövlət qulluğu Azərbaycan Respublikasının Konstitusiyasına və digər qanunvericilik aktlarına uyğun olaraq dövlətin məqsədlərinin və funksiyalarının həyata keçirilməsi sahəsində dövlət qulluqçularının öz vəzifə səlahiyyətlərini yerinə yetirməsidir

       Dövlət qulluğunda inzibati vəzifə tutmaq üçün imtahan modeli olaraq A və B kateqoriyaları vardır. Bu kateqoriyalar da hissələrə bölünür:

• A kateqoriyası AA, AB və AC
• B kateqoriyası BA, BB və BC

       A kateqoriyaları inzibati rəhbər (idarəetmə) vəzifələri tutmaq üçündür. İlk dəfə dövlət qulluğuna qəbul olmaq istəyənlər V-VI və VII təsnifatlar üzrə işləyə bilər. Bunun üçün namizəd BA və BB imtahanlarında (inzibati icraçı vəzifələr) iştirak edə bilər. 

      Dövlət Qulluğuna qəbul qaydası Azərbaycan Respublikası qanununun 28.1-ci maddəsinə əsasən dövlət qulluğuna qəbul müsabiqə əsasında aparılır. Müsabiqə, test imtahanından və müsahibədən ibarətdir.

      Azərbaycan Respublikasının Dövlət İmtahan Mərkəzi tərəfindən inzibati və yardımçı vəzifələrin təsnifat toplusuna uyğun olaraq, birinci-beşinci kateqoriya dövlət orqanlarında (yerli icra hakimiyyəti orqanları, yerli icra hakimiyyəti orqanlarının yanındakı orqanlar və inzibati ərazi dairələri üzrə nümayəndəlikləri istisna olmaqla) inzibati vəzifələrin birinci-yeddinci təsnifatına uyğun olan vəzifələr üzrə dövlət qulluğuna qəbul üçün ayda bir dəfədən az olmayaraq test imtahanları təşkil edir

İmtahana 4 fənn blokundan suallar salınır:

1.  Qanunvericilik – 40 (testdə qanunvericilik üzrə A, B, C, D olmaqla variant sayı 4 olur, digərlərində isə 5 variant),

2.  Məntiq – 30.

3.  Azərbaycan dili – 15.

4.  İnformatika -15.

Qeyd edək ki, BB və AC qruplarında 100 sualın hamısı qapalı (variantlı), BA və AB qruplarında 100 sualdan 80 sual qapalı, 20 açıq (bir açıq test 2 balla hesablanır) və AA qrupunda 60 sual qapalı, 40 sual açıq (bir açıq test 2 balla hesablanır) formada təqdim olunur. Vəzifələrin müvafiq altqrupu üzrə sertifikat əldə edən şəxs sertifikatda qeyd olunan vəzifə və qrup daxilində daha aşağı altqruplara uyğun olan vəzifə üzrə keçirilən müsahibələrdə iştirak edə bilər. Müsahibənin keçirilməsi haqqında elanda namizədin iddia etdiyi vəzifə üzrə aşağıdakı məlumatlar yerləşdirilir: 

• İş yerinin ünvanı; 
• İnzibati vəzifənin təsnifatı;
• Vəzifə maaşı; 
• Vakant vəzifə üzrə qulluq funksiyaları; 
• Təhsilə, təcrübəyə, xüsusi biliklərə və peşə bacarığına dair tələblər; 
• Tələb olunan sertifikat. 

        Namizəd müsahibədə iştirak üçün elan verildiyi gündən 30 gün ərzində portal vasitəsilə müvafiq dövlət orqanına elektron müraciət edir. Müsahibə sənədlərin qəbulu başa çatdıqdan sonra 30 gün ərzində keçirilir. 

    DÖVLƏT QULLUĞUNUN ŞƏRTLƏRİ

    Dövlət qulluğunda iş vaxtı həftədə 40 saatdır. Dövlət qulluqçularının ayrı-ayrı kateqoriyaları üçün qanunla müddəti qısaldılmış iş vaxtı  müəyyən edilə bilər. Qulluq üçün zəruri olduqda dövlət orqanının rəhbəri müstəsna hallarda iş vaxtını ayda əvəzi ödənilmədən 5 saata qədər artıra bilər. İş  vaxtı 5 saatdan çox artırılanda işlədiyi hər saata görə dövlət qulluqçusuna əlavə haqq ödənilməlidir.İnzibati vəzifə tutan dövlət qulluqçusuna ildə bir dəfə 30 təqvim günü müddətində haqqı ödənilən əsas məzuniyyət verilir. Uzun illər işləməyə görə haqqı ödənilən  əlavə məzuniyyət aşağıdakı qaydada verilir:

•     5 ildən 10 ilədək əmək stajına görə —2 təqvim günü;
•     10 ildən 15 ilədək əmək stajına görə—4 təqvim günü;
•     15 ildən çox əmək stajına görə —6 təqvim günü;

Dövlət qulluğu imtahanında uğurlu nəticə toplayanlar aşağıdakı dövlət orqanlarda işləyə bilər:

• ASAN Xidmət mərkəzləri və regional bölmələri ;
• Qida Təhlükəsizliyi Agentliyi və yerli bölmələri;
• Dövlət Statistika Komitəsi və yerli bölmələri;
• Məhkəmələr (hakim vəzifələri istisnadır);
• Dövlət Turizm Agentliyi;
• Qaçqınlar və Məcburi Köçkünlərin İşləri üzrə Dövlət Komitəsi;
• Hesablama palatası (həmçinin Məhkəmə-Hüquq Şurası, Ombusdman və digər qurumlar);
• Dövlət Şəhərsalma və Arxitektura Komitəsi;
• Energetika Nazirliyi
• Təhsil Nazirliyi, tabeliyində olan və yerli bölmələri (Rayon Təhsil Şöbələri);
• Kənd Təsərrüfatı Nazirliyi və tabeliyində olan xidmətlər, həmçinin Nazirliyin yerli bölmələri;
• Mədəniyyət Nazirliyi və yerli bölmələri;
• Maliyyə Nazirliyi və struktur bölmələri;
• Gənclər və İdman Nazirliyi və yerli bölmələri;
• Əmək və Əhalinin Sosial Müdafiəsi Nazirliyi (həmçinin Nazirliyin yanında Dövlət Əmək Müfəttişliyi Komitəsi);
• Ekologiya və Təbii Sərvətlər Nazirliyi və yerli bölmələri və s.

Qeyd etdiyimiz kimi Dövlət qulluğu hazırlığında əsasən 4 fənn tədris olunur :

• Azərbaycan dili
• Qanunvericilik
• Məntiq
• İnformatika